القاهرية
العالم بين يديك
Index Banner – 300×600

يا لّي جايْ تلوم عليّٓ

96

 

للمربّي والشاعر الكبير/فاروق الجعيدي من تونس
متابعة عبدالله القطاري من تونس

يا لّي جايْ تلوم عليّٓ وبعيونكْ يا عيبْ الشُّومْ
ربّـي عـالم بالِّي بـيّٓ وانتِ جـايْ عليّ تلومْ
ما كْفايٓه ڨلبي المهمووومْ

جايْ تلومْ عليّٓ لواشْ غارڨ جُرحي ما يبراشْ
هايم ودموعي رُشْراشْ عٓ الغربه نُفطر ونصومْ
نتڨلّى في الجمر نعُووومْ

يا لّي جايْ تلوم عليّٓ وتڨُلّي يا عيبْ الشُّومْ
ناري تلهبْ في جواجِيّٓ وانتِ باڨِي عليّ تلومْ
ما كْفايٓه ڨلبي المهمووومْ

غارڨ جُرحي ما تڨطاشْ متكسّر عظمي ڨُشڨٓاشْ
ڨالُوا عاڨر ما يضناشْ عايشْ وحداني محـرومْ
ما يسوى ڨشرةْ ڨضُّووومْ

يا لّي جايْ تلوم عليّٓ وبعيونكْ يا عيبْ الشُّومْ
متغرّبْ بين اُمّالِـيّٓ وانتِ جـايْ عليّ تلومْ
ما كْفايٓه ڨلبي المهمووومْ

عٓدّٓى عُمري وما ريتاشْ تشعل ناري ما تطفاشْ
نصبر علْ جُرحي ڨدّاشْ وعيُوني مجافيها النّـومْ
شُڨّوا على ڨلبي المظلووومْ

يا لّي جايْ تلوم عليّٓ وتسمّعني عيبْ الشُّومْ
ليلْ الغربٓه طالْ علٓيّٓ وانتِ تزيد عليّ تلومْ
ما كْفايٓه ڨلبي المهمووومْ

ليلْ الغُربٓه عليّٓ طالْ وخْيٓـالْ احبٓـابي عٓ البٓـالْ
في الغربٓه عايشْ رحّالْ نحسبْ فِي عُمري بالْيُومْ
صابر ع الدّهر المحمُووومْ

يا لّي جايْ تلوم عليّٓ وتڨُلّي يا عيبْ الشُّومْ
هجروني أهلي جمليّٓه وانتِ باڨِي عليّ تلومْ
ما كْفايٓه ڨلبي المهمووومْ

 

قد يعجبك ايضا
تعليقات