القاهرية
العالم بين يديك
Index Banner – 300×600

ضي العين

147

الشاعر / محمد منصور
حبك يا ضي العين
نورني من سنين
غيَّر كل حياتنا
وبقينا مُغرمين
غرقنا في الهيام
ودبنا من الغرام
سطَّرنا أغلى قصة
وقلنا أحلى كلام
سبقنا قيس وليلى
وكل العاشقين
منحتني الحياة
وكنت لي الهوى
وكنت لي النجاة
والمية والهوا
دا الحب عمر بحاله
مش ساعة والسلام
بيحقق السعادة
ويخفف الآلام
وإن غبت عنِّي ثانية
بيقتلني الحنين
حبك يا روح الروح
معايا منين ما اروح
بيعطرلي حياتي
كأحلى زهر يفوح
صرنا ف سمانا العالية
وشيدنا الصروح
وكان ليا دوايا
وشفايا من الجروح
عشنا سنين حياتنا
طايرين زي الحمام
كنا لبعض فرحة
وما عرفنا خصام
وكنت ليا عمري
وأقرب م الوتين
بقلمي الشاعر محمد منصور

قد يعجبك ايضا
تعليقات