الشاعر / محمد منصور
وصحينا من حلم جميل ‘ على أسوة وأحزان وويل ليه الدُّنيا جراح في جراح ‘ ليه لعبت بينا المواويل ليه حبايبنا فاتونا وراحوا ‘ بعد ما حُّبوا وعشقوا وباحوا بعد ما كانوا ديماً ويَّانا ‘ عملوا زي الملح وساحوا بعد الفرح وبعد السعد ‘ ما لقيتهم أبدا يرتاحوا دنيتنا دوَّارة ‘مكسب على خسارة اكتر ما بتدينا بتاخد ‘ ليه نفسنا بالسوء أمَّارة دنيتنا غدَّارة ‘ برد على حرارة سرقت منَّا كل أحلامنا ‘ من غير ما تدي ولا إشارة ليه كلنا نضحك على بعض ‘ ونفكرها شطارة ليه كله بيطمع على بعضه ‘ من غير حتى ستارة ليه بنقِّوم بينا حريقة ‘ من أصغرها شرارة ليه بنبيع بعضنا بالرخص ‘ لو حتى بسيجارة ليه بنعمى عن حق الناس ‘ لو لابسين مليون نضارة أيامنا في الدُّنيا قليلة ‘ يا دوبك كام يوم وليلة يلا نمد ايدينا لبعض ‘ ونحقّ العشرة الطويلة يلا نساعد كل الناس ‘ في الشِّدة تدوب الأجناس في الشِّدة يبان كل أصيل ‘ ويبان الفحم من الماس ويبان كل غيور على بلده ‘ ويبان الهلَّاس رجولتنا أفعال ومواقف ‘ مش كلام وخلاص يلا نحب كل الخير ‘ ونمد ايدينا للغير بالحب نحقق أمانينا ‘ ونطير زي الطير يلا نساعد كل يتيم ‘ والأرملة قبل المسكين تنزل رحمة ربنا لينا ‘ وتنفعنا ف يوم الدِّين
بقلمي الشاعر محمد منصور
تسجيل الدخول
تسجيل الدخول
استعادة كلمة المرور الخاصة بك.
كلمة المرور سترسل إليك بالبريد الإلكتروني.
تتجه
- طرق علاج حساسية الصدر
- انفجارات قرب مطار أصفهان وقاعدة هشتم شكاري الجوية ومسؤول أمريكي يؤكد بدء هجوم إسرائيل على إيران
- مصر تأسف لعجز مجلس الأمن عن إصدار قرار يُمكن دولة فلسطين من الحصول على العضوية الكاملة في الأمم المتحدة
- فيتو أمريكي يحول دون منح العضوية الكاملة لفلسطين في الأمم المتحدة
- حزب الله يستهدف قوة لجيش الاحتلال الإسرائيلي في راميم
- أمن تونس يتمكن من القبض على أمير كتيبة أجناد الخلافة وبحوزته أسلحة ومتفجرات
- كفتة بالبقدونس
- وزير خارجية الجزائر يطالب بمنح العضوية الكاملة لدولة فلسطين
- بطاطس جمبرى
- ليبرمان يطالب مجلس الحرب الإسرائيلى بالإستقالة
قد يعجبك ايضا
تعليقات