بيبان الشوق
بقلمي نيفين فوزي
كل البيبان قفّلت الا بيبان الشوق
ثمرة وجوده انقطفت امتى ياقلبي تفوق؟!
ورد القا دبلان وفي طمي ليه مدفون
قلبي كما الغِزلان للخوف دايم بيدوق
لا وصلني رد سلام ولا كلمه ترد روح
ما جبرني حتى سؤال يا ساكني فين ماتروح
ساد الجفا قلبك بزيادة المسافات
خان الهوا دربك يا خالي امتى تنوح
صد الدفا ليلي وطيفك انت يفوح
مال الهوا ومالي مستنيك انت تبوح
رغم العتاب جايز لكن غلبه السكات
ليه يا عزيز قلبي عني كتير بطوح
ازاي تقول خاين دا قلبي داب م الصون
هاين عليك دايم ولا مره انت تهون
مِتَى اللي باع يفهم غلطان بإنه يفوت
الصلح لو ينفع ياريت مابنا يكون