عام جديد

للشاعر/ محمد القاسمي من تونس
متابعة عبدالله القطاري من تونس

يا عام جاي جديد
بالله لا تخذلنا،،،،
و لا تزيدنا اتناهيد
الّي فات راهو قْتلنا،،،،
و الوضع كان شديد
عشناه و اتحمّلنا،،،،
و الكل كان يريد
زاد وجعنا و بهذلنا،،،
ولا جاب حاجة اتفيد
ضاع وقتنا وعطّلنا،،،،
و الحلم صار بعيد
و صعيب صار املنا،،،،
يا عام جاي جديد
بالله لا تخذلنا،،،،،،،،،،

وايّاك تاخذ رايه
كان عام ياسر قْاسي،،،
كان فيه الف حكاية
و الكل فينا يواسي،،،
وكان فيه برشة خطايا
و قدّاش فيه ماَاسي،،،
في بلادنا و هطّايا
والوجع فينا راسي،،،
وصّوك ع الجباية
بالله سايس ناسي،،،
و اتصير عام يكيد
و ينزاد فيك حملنا،،
يا عام جاي جديد
بالله لا تخذلنا،،،،
محمد القاسمي،،،،،،،،،،