طاسة فراخ بالبسطرمة غرقانة في الجبنة الموتزريلا حاجة كدة لازم تجربوها
رانيا فتحي
الطريقة:
١- في طاسة غويطة هنزل زيت وعليه بصلة مقطعة صغيرا وفصين ثوم مفرومين وهقلبهم وأول ما ريحتهم تبدأ تطلع هنزل عليهم الفراخ مقطعاها شرايح رفيعة زي الشاورما وهقلبهم وأول ما الفراخ لونها يبدأ يغير بنزل عليها فلفل أخضر وأحمر وأصفر كله متقطع صغير وعليهم ملح بس مش كتير عشان البسطرمة بتبقي حادقة وفلفل أسود وبابريكا وبهارات فراخ وزعتر ومعلقة كبيرة صلصة وهقلب كله مع بعضه واخر حاجة بضيفها البسطرمة قطعتها مربعات صغيرة وبقلبها مع الفراخ بنزل عليهم شوية جبنة موتزريلا مش كتير وبقلب كله مع بعضه وبطفي عليها.
٢-هنجيب طاسة بتدخل الفرن لو مش متوفر ممكن طاجن أو صينية وهنزل فيها الفراخ مع البسطرمة وهغرقها من علي الوش جبنة موتزريلا وعلي الفرن.
٣- أول ما الجبنة تسيح وتاخد لون حلو بطلعها من الفرن وبألف هنا