الــدنيا سكة سفــر

0 13

الشاعر / محمد منصور
الــدنيا سكة سفــر بين النهــــار والليــل
وحياتنا دي لحظات بين الفــرح والــويل
دنيتنا كلها تعــــب والفـــرح فيها قليـــل
ومهمـــا طــال الألم عليك بصبــر جمبل
الصبر يا ابني فـرج ومفيش غيره بـديل
دا الصبر أحسن دوا مفيش زيــه مثيل
دنيتنا فيها العبــر وكلـــــه ع الأســــاس
وحيـــاتنا دي مــدرسة والــزمن أستــــاذ
ودرسه دا إجبـــاري ديما لكـــل النـــاس
على كل واحد داير والكل شارب الكاس
ودرسه غــالي الثمن ما يعرف المجـــان
والكــل منــه اتعلم ديما في كـــل مكــان
يا دنيـــا يا غـــريبة يا دنيـــــا يا عجيبة
فيكي طــريق للفــرح وعشرة للأحـــزان
ليكي طـــريق للهـــدى ومية للعصيـــــان
وقليل فوق السحب والباقي فيكي غلبان
فيكي طـــريق للــوفا وخمسة للخــــوان
وفيكي لــــون للخير والشر ليه ألـــــوان
فيكي طـــريق للحــق وعشرة للشيطـــان
يا رب العفـــو منـــك ارحمنا يا رحمـــن

قد يعجبك ايضا

اترك رد

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد

%d مدونون معجبون بهذه: