الأخباررياضة

الاهلي محتاج بن شرقي … وقدامي الاهلي ليس لهم مكانه داخل النادي

كتب احمد طارق

أبرز تصريحات ك. هشام حنفي نجم الأهلي السابق مع برنامج المشجع مع شيماء….

 

عن التعاقد مع المدرب البرتغالي ريكاردو سواريز … الأهلي دائما بيشتغل في السر و استغل علاقاته في البرتغال ، المدرب جاء عن ترشيح مانويل جوزيه حتي لو جوزية نفي لكن أنا بأكدلك أن هو السبب واحد عايش في البرتغال وأنا الاهلي لما اروح اسأل هسال مين واحد في ألمانيا، مانويل جوزيه مصدر ثقة للنادي الاهلي .

 

أهم شئ في المدرب هو الشخصية كان معانا مدرب ألماني كان طيب شخصيته لا تصلح سنة 2000 اسمه ديكسي كان محترم، يترك كابتن مختار وحسام البدري هما اللى يشتغلوا 

لذلك مش كل مدرب كويس ينفع يكون في الاهلي 

 

تعاقد الاهلي مع ريكاردو بسبب شخصية البرتغاليين شخصية قوية و عنيفة لا يفرق معاه مين أساسي ومين احتياطي ، أهم حاجة عنده مين يؤدي بشكل جيد في التمرين والماتشات لو واحد كويس اوي وبدأ يدلع مش هيلعبه .

 

وعن بيع بدر بانون إلى قطر القطري قال : 

 

لا الاهلي في احتياج بدر كونه لاعب جيد محتاج في المكان ده لاعبان ، رامي ربيعة لاعب مميز ولكن عنده أخطاء في بناء الهجمة اتوظف في مركز الدفاع ، عنده تسرع في بدأ الهجمة ممكن اترك بدر لو العائد المادي جيد وواضح أنه لسه متأثر بإصابته ..

 

وعن نية الاهلي للتعاقد مع بن شرقي ….

“أجيب بن شرقي أين المشكلة 

، خلص عقده مع الزمالك لو انتقل في مكان تاني ايه المشكلة ده احتراف مينفعش اشغل نص الاحتراف واقول لا مش هجيبه من فريق مناسب ، يفرق معايا لو بن شرقي يفيد الأهلي اتعاقد معه فورا هو لاعب مؤثر وكان سبب في فوز الزمالك الفترة الأخيرة ، وأنا أعتقد ان إدارة الأهلي قاعدوا واتكلموا معاه لكن موضوع الرواتب هو العائق العقد عالي ، هيفرق في الأطراف رغم أن الأهلي عنده كثافة عددية لكنهم مش في حالتهم ” .

 

وعن بيع بيرسي تاو وميكسيوني …..

 

“ابيع بيرسي تاو وميكسيوني اخدوا فرص كتيرة في الاهلي ومع بدء تسويقهم ، كفاية عليهم و عندي مشكلة مع تاو أنه مصاب من فترة وموسيماني كان بيتحامل عليه علشان يثبت أنه صح لازم يمشي في التوقيت ده ، أما ميكيسوني أخد فرص كتير ولم يثبت أنه لاعب يصلح للنادي الاهلي ” .

 

سبب ضعف اللاعبين الأفارقة في الاهلي والاتجاه للسوق الآسيوي ….

 

“أنا مش محتاج أروح السوق الافريقي أو الآسيوي هناك مثلا أندية مثل الإتحاد وانبي عندهم لاعبين أفارقة هايلين واسعارهم لاتتعدي ال ٥٠ الف دولار ، هل يصح التعاقد مثلا مع موسيماني سعره ٢٥ الف دولار في بلده أحضره ويأخذ ٢٠٠ الف ده اللى بيحدث مع اللاعبين الأفارقة في الاهلي مش عارف ايه الأسباب ” .

وعن دور لاعبي الاهلي القدامي في النادي قال ….

 

” النادي الاهلي أولاده دائما بيشتكوا أنه مش بيشتعلوا في النادي والوظائف قليلة وده اللى قاله المهندس عدلي القيعي مع ك. شوبير قاله المناصب اللى هما ال ١١ وأولاد النادي الاهلي كتير جدا طيب ما أضع أبناء الاهلي في اللجنة الفنية في ناس مثلا تكون متخصصة في اللاعبين الأفارقة ، أخرين في الدوري المصري وآخرين عن التعاقد مع لاعبين من الممتاز ب ، النهارده الدوري “ب” هو بيفرغ للممتاز إذن أضع لاعبين كبار في الاهلي تختار لكن ليه هم نفس الاشخاص ال ١١ نفس الاسماء في النادي منذ ١٣ سنه ، احنا هناخد فرصتنا امتي، أنا الحمد لله اشتغلت في النادي وكل ما يطلبوني ببقي موجود العدد كبير فعلا بس نقدر نستفاد باللاعبين الموجودين من القدامي ” .

 

وعن ضعف هجوم النادي الأهلي وهل في حاجة إلى مهاجم جديد ….

 

عودة أحمد ياسر ريان مفيدة مع إعطاء الفرصة لحسام حسن 

موسيماني كان له وقته وخلاص انتهي بس هو ضيع مستوي عدد كبير من اللاعبين حسام حسن ، الشحات ، قفشة ، شريف ، السولية ، كانوا أفضل لاعبين لم يلعب معه شريف وقفشة كتير كان بيلعب بتاو ، وعبد القادر

السبب موسيماني لما اللاعبين محمد شريف و قفشة رجعوا من المنتخب مع كيروش ولم يلعبوا ، موسيماني بدل ما يدعمهم قعدهم احتياطي مش أى لاعب عن ثقافة الخروج من اى إخفاق من فترة ثباب مستوي لفترة هبوط مستوي ” .

 

أما سبب تدني الحالة البدنية للاعبي الاهلي …..

 

” سبب هبوط المستوي البدنى للأهلي كان موسيماني كان بيعطى اللاعبين إجازة ب ٨ ايام حتى مجلس إدارة اعترض طيب الأساسي مجهد ليه الاحتياطي ميتمرنش ويلعب مباريات ودية علشان يكون جاهز ” .

 الطريقة التى تخدم لعب الأهلي ….

الاهلي لابد يهاجم على طول مش هو اللى يلعب ب ٣ ديفندر في الدوري المصري مع احترامي يعنى للفرق 

 

لاعب إذا حصل على فرصة مع الاهلي سوف يتألق ….

 

محمد محمود لاعب هائل نص الملعب لكن ماخدش الفرصة مع موسيماني لو حد الفرصة هيكون أساسي

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى