بقلم / إيمان زكي
زفوا الشهيد وزغرطوا
وأوعاكو أوعوا تعيطوا
روح الشهيد في أعلى مكانه
والكل بيتسابق عشانه
ياخد بتار دم الشهيد
زفوا الشهيد اخدنا تاره
فرحوا امه هتموت بناره
وارتاحي يا روحه مكانك
ده يا بخت من ..من مات شهيد
ودي ام تانيه حاملة ولدها
يا رب من الايمان ده زيدها
الغالي في راسها وفؤادها
بيبكي من الحرقة اكيد
شا يفين يا ناس ده نور عينيا
أمانة هسلمها بإيديا
والكل واقف بيبص ليا
يا ناس انا أم الشهيد