سر الوجود
بقلم – م.أحمد والي
قلبك في يوم
لو حس لحظة
بالتعب
ْ
وجهك شحيب
تملا تجاعيده الغضبْ
***
الدم يبقى ساعتها
فاير في الوريد
والدنيا قدامك ضبابْ
والكون براح
مابقاش ساعتها ان المدى
واسع
فسيح
والحلم راح طي
السراب ْ
و الروح بتصعد للسما
والفضا كله اتشح
وقلب ضبابْ
الرؤية
صبحت معتمة
لما تحس انك ضعيف
وبرغم عزك في الشباب ْ
***
هتبص لحظة
في المراية
تلاقي قطر العمر يجري
عمال بيجري
فات وعدى
من حدود الامنياتْ
يا نبرة الناي الحزين
دا الحلق ضاق
م الضيق ساعتها
اتخنَّقِتْ
تغضبْ .. تثورْ
دم الخلايا و الوريد
راح ينسحبْ
والأرض بورْ
هتلاقي نفسك
تايهه في براحه تناديه
عمال ترتل تمتمات ْ
اخشع وقوم
ماتبص لحظه في السما
لو تذكر اسمه حتى مرة باللسان
الدم يجري في وريدك
تنتعش فيك الحياهْ
دي كلمة واحدة
ان قلتها
في لحظة وصالْ
هتحس بيها إنها
لكْ طوق نجاهْ
**
دي كلمة واحدة
مكونة من اربع حروف ْ
ألف
ولامين
وها
لكنها
للقلب دايما طمأنةْ
هيزول ببركة سرها
تخمد نيران الخوف ْ
**
كلمة حروفها صغيرة
لكنها
سر الوجود
لما تضيق
واستحكمت
حلقات أساور
دنيتك ْ
لو قلتها
يجي الفرج ْ
الكون ينور والورى
وكمان يبارك خطوتك ْ
ما هوه نور
والنور كمان زايد بنور
دنيا تيسر
خدمتكْ
مش انت عبده
وهوه سيدك يا جحودْ
دايما ينور سكتكْ
أمر تطاع
أمن يجيبْ. ؟
للعبد سؤله
لو يوم دعاه
دور في نفسك هتلاقيه
حاضر قديم
باقي في كل الأمكنه
دور هنا
دور هناك تلقاهْ
…………الله
……………….الله
………………………الله
