الصحة تنصح بتوخى الحذر من اوميكرون

كتب/أحمد عبد العزيز
وزارة الصحة تخاطب وتحذر المواطنين
ارسلت وزارة الصحة رسالة تحت عنوان “تعميم هام من وزارة الصحة”
بتوفير 333 فريق و كل فريق مكون من 5 اشخاص.
في حال اشتباهك بالاصابة
وظهور هذه الاعراض
” ضيق في التنفس – سعال – حمى ”
اتصل على الرقم “195 ”
نقلاً عن أطباء العزل اذا ظهرت عليك الاعراض الاتية عليك ان تعرف انها كورونا وتبدا في اخذ الاحتياطات اللازمة من علاج وعزل في المنزل

اسهال خد انتينال أو فلاجيل اول جرعة قرصين و بعدين قرص كل ٨ ساعات لو طفل يبقي انتينال شراب تلات مرات في اليوم

صداع و تكسير بالجسم و ارتفاع في درجة الحرارة هناخد باندول الازرق تلات مرات في اليوم او ادول تلات مرات أو سيتال أو بارسيتمول تلات مرات في اليوم هاخده بشكل منتظم علي الأقل اربع أيام مش وقت ظهور الأعراض بس

وجع في البطن هاخد بسكوبان أو فسيرلجين تلات مرات في اليوم

كحة ناشفة هاخد نوتسيل ١٠ سم مرتين يومياً و تلفاست قرص بليل
عند النوم

لو الأعراض بتاعتي زايدة شوية بمعني الحرارة عالية اكتر من ٣٨ الكحة متواصلة هنزود مضاد حيوي زيثرومكس ٥٠٠ قرص يومياً لمدة تلات ايام

لو حسيت أن صدري مكتوم هجيب جهاز الجلسات و اعمل جلسة اتروفنت في البيت

اعراض مؤكدة للإصابة فقدان
الشهية و حاسة الشم و التذوق
مهم جداً للمريض أنه يأكل كويس
و كل مش قادر ممكن ناخد فاتح شهية ديجستين قرص قبل الاكل بربع ساعة

اشرب سوائل كتير الفيروس ده بيعمل جلطات اشرب علي قد ما تقدر طول ما انت قاعد اشرب بالله عليك عصاير كتير و دافي كتير
لو وزنك كبير او عندك امراض مزمنة زود علي العلاج اسبوسيد عشان نقلل نسبة حدوث جلطة
لو فيه امكانية نتابع سيولة دم او ممكن ناخد كليكسان أو كالهيباربن حقنة يوميا تحت الجلد خصوصا للناس اللي وزنها كبير و عندها امراض مزمنه

لو حد اعراضه زيادة و راح الحميات هيدوله ostemavir ده علاج مضاد للفيروس بيتاخد قرص
كل ١٢ ساعة
قد يكون عندك كورونا و تخف من غير اي علاج بس إلتزم بالعزل و الأكل الكويس كله خضار مسلوق و فراخ مسلوقه حجات خفيفه و شرب السوايل الدافي اهمهم يانسون بلمون و النوم الكويس و التعرض للشمس نص ساعه يوميا
الأعراض دي بتبدأ بفقدان الشهيه و فقدان حاسه الشم و التذوق و بعدين السخونيه و الاسهال و تكسير الجسم و الصداع

الأعراض مختلفه من شخص للتاني في ناس مش بتجي لها سخونيه و في ناس مش بتجي لها اسهال و في ناس بتجي لها ترجيع

الأعراض شبه أعراض البرد العادي بس في ظل الازمه إلي بنمر بيها بنعامل كل حالات البرد انها اشتباه في كرونا و نعزلها و نبدأ معها بالعلاج كنوع من أنواع الوقايه

الأسبرين و الاسبوسبد الأطفال بناخده لاذابه الجلطات مش في كل الحالات الحالات إلى عندها ضيق تنفس بنعمل لها تحليل D-Dimer

و بنديها ادويه السيوله علشان تدوب الجلطات الصغيره إلي بتتكون في الرئه و بنديله برده للناس الي وزنها زايد عن الطبيعي لأن بيبقي عندهم ضيق في الشرايين نتيجه تراكم الدهون الثلاثيه علشان نتفادي تكون الجلطات يعني ادويه السيوله بتتاخد بعد عمل التحليل
الناس الي سألت على تقويه جهاز المناعه بدون أصابه زنكترون قرص كل يوم وسي ريتارد قرص كل يوم و فايتمن ب ١٢ قرص كل يوم مع كوبيتين من اليانسون بلمون دي الحاجات الي ممكن تاخدها كنوع من أنواع الوقايه
التحاليل صوره الدم كامله و سرعه ترسيب و CRP و انزيمات كبد و وظائف كلي و فرتين
دي التحاليل إلي بتتعمل بعد مرحله التعافي للتأكد من أن كل القيم أصبحت طبيعه و الشخص تعافي تماماً من المرض بفضل الله