مدرسة العباسية الثانوية العسكرية بنين

أحمد خميس أبومازن

هى من أقدم وأعرق المدارس بالإسكندرية موجودة حاليافى 11شارع نبيل محمود(( شارع جرين سابقا ))
ومدرسة العباسية فالسابق كان مكانها كليه العلوم اللى فى محرم بك

بدأت الدراسة فى مدرسة العباسيه في أكتوبر 1910 واتحول ليها كثير من تلاميذ المدارس الآميرية
ووصل عدد تلاميذها 475 تلميذا بعد حوالى أربع شهور من بداية الدراسة
وأحتفلت نظارة المعارف بافتتاحها رسميا في يوم السبت .
21 يناير 1911 برئاسة ( الخديوى عباس حلمي الثاني )
وبحضور ( الآمير عمر طوسون ) رئيس مجلس النظار وقتها
وحضر الافتتاح نظار الآشغال و الحربية و البحرية و المعارف و محافظ الإسكندرية و أعضاء المجلس البلدي
وكبار موظفي الحكومة بالاسكندرية
وقال ناظر المعارف ( أحمد باشا حشمت ) في حفل
الأفتتاح أن تطوير المبنى تكلف حوالى ربع مليون جنيه وأنه تم بناء المدرسة في أربع سنين وعلي فكرة المبني كان موجود فعلا لأن الإنجليز كانوا بنوه كمستشفى أثناء الحرب العالمية الأولي وراح أحمد باشا حشمت مستأذن
الخديوى عباس أن المدرسة تتسمى باسمه عشان أتبنت في عصره فوافق الخديوى على تسميتها باسم :
( المدرسة العباسية الثانوية )
ولما قرر الملك فاروق فى سنه 1938تأسيس جامعة فاروق الأول اللى بقي أسمها جامعة الإسكندرية فى سنة 1952 جاء الملك فى سنه 1942واخذ مبني مدرسة العباسية وخلاه كليه العلوم وأتنقلت المدرسة لمقرها الحالي اللى كان مدرستين جمب بعض مدرسة سعيد للبنين ومدرسة إسماعيل للبنات وتم بناء مدرستين آخرين أمام مدرسة العباسية الجديدة واحدة أسمها مدرسة العروة الوثقى والثانية أسمها الجمعية الخيرية ولحد النهاردة مدرسة العباسية الثانوية العسكرية للبنين هى مدرسة المتفوقين .