دماء علي الأسفلت
كتبت د _آية طارق
تجاوزت حوادث السير حد التهور والاستهتار بأرواح الناس والأبرياء ،أعلم أنها سبب من اسباب الموت وكل منا له قدر ونصيب في موته ،لكن لا يمكن التساهل مع الاستهتار بالدماء وأرواح أعزائنا ، واللحظات المرة والقاسية علي الضحية وأهله ، وناهيك أيضاً عن الإصابات والتشوهات الجسدية .
أشير في مقالي هذا عن حادث مؤلم حدث اليوم الاثنين الموافق ٢٠٢١/١٢/٦ وفاة رجل مسن ضعيف الجسد خسر حياته من غير سابق إنذار علي يد شخص طائش مستهتر لا يحمل مسؤلية الطريق والقيادة حصد قلوب أبناء وأهالي عم صبحي رجل لا حوله له ولا قوة إلا بالله .. وعند سؤالنا ابنة الضحية عن موعد تغيبه أجابت :
تغيب اليوم كله خرج الساعة ٢ ظهراً ولم يُعد كان رايح يرمي القمامة وخبطته العريبة .
كيف وصل خبر وفاته لكم ؟
أفادت عن طريق النت في جروب المنطقة عزبة النجل وكانوا معلنين عنه باسم صبحي كامل صبحي المستشفي هي اللي اعتهم البيانات علشان يعرفوا يجيبوا اهله وكمان اللي أكد الخبر جه واحد اسمه ح ف قالنا الخبر ، وإعلان المستشفي عن خبر موته وبعتولنا علشان نشوف ابونا بس محدش راضي يعطيهولنا ويخلص الورق .
هل تم القبض علي الجاني ام لا ؟
ابنه الضحية:لا لسه
مكان الحادث بالتحديد ؟
ابنه الضحية :أنا اعرف المكان بس الاسم لا انا مش عارفة اتكلم بس لازم اتكلم علشان تطلعوا ابويا ..
أبنه اخري للضحية: جالنا خبر أبويا عن طريق مُحضر من قسم المنيا لان احنا من المنيا وبطاقة ابويا المنيا والمستشفي عملت محضر وبعتوا علي العنوان اللي في المنيا ولما بعتوا واحد معرفة قابل المُحضر هو جابلنا الخبر غير كمان الجروبات نزلت خبره علشان نتعرف عليه .
ابن الضحية : اسم الشارع الشيخ عبيد أخره شارع الجديد في القهوة وتعدي الكوبري الناحية التانية المكان موت ابويا .
حضرتك لو في مقدرتك إنك تتكلم وتقولي تفصيل الحادثة ؟
ابن الضحية : أكيد انا عاوز اتكلم عاوز حق ابويا وعاوز يطلع من المستشفي علشان ندفنه قبل الصبح مايطلع عليه وهو متبهدل في دمه ،هو ابويا عمل حادثة والعربية قتلته ومعرفش ايه اللي حصل تاني ومحدش عطيلي اي معلومة واحنا مش في بلادنا احنا من المنيا مركز ابو قرقاص، كل اللي طالبه دلوقتي اخرج ابويا من المستشفي ونصلي عليه في الكنيسة
…
إن شاء الله هيخرج في أقل وقت كل الحكاية هو ضمان حقه من الحكومة وأمساك الجاني ليخذ عقوبة استهتاره بأروح الأبرياء ..
تم تغطية الحادث عم صبحي من خلال جريدة القاهرية ويتابع باقي التفاصيل …
