هموم
كلمات الشاعر شريف الطوخي
جربت فى يوم …
تغرق فى هموم
وتعدى اليوم
م النوم محروم؟
جربت كتير
والصوت مكتوم
بيني وبين نفسي
لاحد سامعه وشايفه
وأسأل نفسي
ودمعي على خدي
ولا في جواب يشفي
وأقول لمين
وانا وحدي
ما بين ليلي ونهاري
مفيش حد عارف وحاسس
همي في قلبي وروحي
وعيني تحكي ال بيا
وحيد من غير رفيق
ومين يهتم بهمومك
غير نفسك وروحك
عدّل عقلك وفكرك
وابعد عن همك
وأعرف طريق سعادتك
ملامحك واضحة م تخبي
لكل إنسان يهمك
خليه يحس بذنبه
من غير م تحكي وتقول
وجهك واضح للاعمى
والكفيف مش بس بصره
كفيف القلب أصعب
ومين يختار همه وحزنه
ويعيش فيه طول عمره
جربت تعيش مرة سعيد
وتبعد عن كل الأحزان
وتفكر تكون سعيد
وتبقى إنسان جديد
الغي عقلك وانزع قلبك
وعيش حديد
