القاهرية
العالم بين يديك
Index Banner – 300×600

قصيدة حبك أنت

87

 

بقلم/ الدكتور حمدي بركات

 

حبك أنت

حبك أنت مش حب عادي

ده حب نابع من فؤادي

حب مالك كل نبضة

كل همسة

كلمة  شوق في طول الليالي

حبك أنت

حبك أنت طال انتظاره

والليالي قايدة بناره

نار تنادي علي حب تايه

بين قلوب منتظرة يجي

حبك أنت

حب روح لروح تنادي

ياما سهرت لك ليالي

ياما طال شوقها لعيونك

ياما داب قلبي في هواكي

حبك أنت

حب مش عارف مصيره

حب صادق وده دليله

إنه واقف منتظر

منتظر نظرة حبيبه

حب نادر في وجوده

ناره نابعة من سكوته

لا أعرف إمتى هتيجي

ولا أعرف إمتى ينوله

حبك أنت

حب مالك زكرياتي

الماضي والحاضر معاكي

والسنين الجاية واقفة

علي أمل أكسب رضاكي

إن رضيتي تبقي حبي

إن رضيتي تبقي روحي

تبقي كل نبض قلبي

تبقي فرحي تبقي سعدي

وأبقى كل الدنيا ليكي

أبقي لعيونك أسير

وأبقي لقلبك أمير

وأبقي لحياتك عبير

يعطر الدنيا وما فيها

أبقي كل لحظه جنبك

أبقي ظهرك وأبقي سندك

وأبقي كل شي عشانك

لأنك إنتي كل حبي

حبك أنت

قد يعجبك ايضا
تعليقات