قصيدة أنا المظلوم
بقلم /الدكتور حمدي بركات
أنا المظلوم
مش إنتي
أنا إللي عشقت
مش إنتي
أنا إللي طال ليلي
وتاه مني
أنا إللي ضاع زمني
وضاع عمري
في عشق خيال
أنا المظلوم
مش إنتي
أنا إللي راح مني
حاجات كتير بتسعدني
حاجات بلاقيها وياكي
كطير بيطير في سماكي
وفجاه ألاقيكي مش جنبي
وأرجع تاني لأحزاني
أنا المظلوم
مش إنتي
أنا إللي توهت في أيامي
وشوقي وحزني وهيامي
أدور علي إللي راح مني
وأعيش وياها أحلامي
وأكون جنبه في أفراحه
وأكون سنده في أحزانه
أنا المظلوم
مش إنتي
أنا إللي ناديت علي حبي
علي نبضي علي أملي
علي روحي إللي ساكنة معاه
علي عشقي لبحر هواه
لقيته راح ومش سائل
وضاع أملي في إني ألاقيه
وضاع وياها أحلامي
أنا المظلوم
مش إنتي
أنا إللي مشيت علي الأشواك
عشان أوصل لبحر هواك
وأكون جنبك وأكون ملكك
وأكون فكرك وأكون نبضك
مش إنتي
أنا إللي طول عمري وحيد
أنا إللي بنادي وهي بعيد
بنادي عليها في خيالي
أنا إللي رميت قلبي في أحضانها
أنا إللي تحملت الدنيا علشانها
ولما لقيتها قدامي
وجيت أخذها في أحضاني
وأطفيء بحنانها نار شوقي
وأري بعيونها نور يومي
تقوم تتركني وتسبني
لأني ببساطه أنا المظلوم
أنا المظلوم مش إنتي