“إلهام شاهين” و دعوة لعودة الأفلام الرومانسية

كتبت-د/رانده شحاته 

تألقت الفنانة إلهام شاهين على السجادة الحمراء لفعاليات حفل افتتاح مهرجان القاهرة السينمائي الدولي بدورته الـ 43، بإطلالة مختلفة وأثنوية.
وظهرت إلهام شاهين متألقة بفستان من اللون البرتقالي، بتصميم الأوف شولدر، وقصة السمكة، وكرانيش من الجانب، وبه فتحة ساق، ونسقت معه شنطة مربعة.
كما اعتمدت إلهام شاهين مكياجا قويا، واختارت أن تكون تصفيفة شعرها مرفرعاً.

وأضافت «شاهين» خلال لقاء على هامش مهرجان القاهرة السينمائي الدولي في دورته الـ43، المذاع على شاشة قناة «dmc»، «طموحي كبير أوي ناحية السينما، فمهما حققت عاوزاها تحقق أكتر، يمكن فيه أفلام بتنتج ككم، لكن عاوزة النوعية، عاوزة أفلامنا يبقى فيها كل النوعيات زي زمان».

وتابعت: «أفلامنا محصورة إلى حد كبير دلوقتي، لو فيلم أكشن أو كوميدي بيلاقي نجاح كبير جماهيري، لكن أنا عاوزة أشوف الفيلم الرومانسي والاستعراضي والموضوعات الاجتماعية المهمة والمشاكل الحقيقية في حياتنا الشائكة منخفش ننقاشها، لأننا بننتقد عشان بنحب البلد دي وعاوزينها للأحسن، وعاوزة أفلام نقدم فيها الإيجابيات اللي في حياتنا لأن في ساعات أفلام بتعمل لنا إحباط، بتقدم كل ما هو سلبي».