نودلز بالفراخ سويت اند ساور

نص كيلو بانية (يتقطع مربعات تخينه)

1- يتبل في

– معلقة ثوم بودر صغيرة

– معلقة بصل بودر صغيرة

– معلقة فلفل اسود صغيرة

– معلقة باربيكا صغيرة

– معلقة خل

– معلقة نشا كبيرة

– معلقتين دقيق

– رشة ملح خفيفة

– ربع كباية مية

2- يتقلب كويس البانيه في التتبيله السابقه وسيبها ف الثلاجة ربع ساعة

3- هنجيب طبق و نحط فيه ربع كباية دقيق ع معلقتين نشا كبار ومعلقة جنزبيل ورشة ملح

4- هنطلع البانية من التتبيله و نحطه في الطبق ده ثم اقليه في الزيت كأنك بتقلي البانيه العادي لحد مياخد لون دهبي كدا و نطلعه لانه مش هياخد سوا كتير

5- هنجهز خلطة للفراخ و هي في حله هنقطع (فلفل الوان) و(فلفل اخضر) و(بصلاية) قطعيهم مربعات و (جزرتين ابشريهم او قطعيهم دوريات) ولو عوزاه سبايسي حطي قرن فلفل حامي و هنشوحهم ف شوية زيت

6- هنضيف عليهم :

-ربع كباية خل

– نص كباية كاتشب

-نص كباية من الصويا صوص

-فصين توم

-نص كباية ماية ودوبي فيها معلقة نشا كبيره

وافضلوا قلبوا لحد مالخليط يتماسك سيكه

7- هنحط الفراخ علي الحله بقي وسبيها ع نار هادية لمده 5 دقايق

1- اسلقي كيس مكرونه شرايط زي المكرونه العاديه خالص

2- هنقطع فلفل الوان وفلفل رومي اخضر وجزرتين شرايح طوال وفصين ثوم برضو شوحيهم ف زيت وضيفي عليهم

-نص كباية صويا

– معلقة كبيرة من الكاتشب

– ربع كباية ميه فيها معلقة و ربع نشا

3- هنفضل نقلب دقيقه كده كل المكونات ديه لحد ميتمساك شويه وحطي عليهم المكرونة و سيبيهم شويه تسخن المكرونه زي المكرونه العاديه

و بالهنا والشفا