القاهرية
العالم بين يديك
Index Banner – 300×600

السوشي

96
اعداد / رانيا فتحى
مكوناتها:-
الأسماك النية:-سلمون -تونة- جمبري_صوابع كابوريا – بيض سمك مدخن
( مجهزة بطريقة معينة لا تضر الصحة ) يعني مش اي سمك ني ينفع ، لازم تشتريه من محل مضمون مخصوص للسوشي.
و بتقطع شرائح رقيقة جداً
الارز :-
رز ابيض مسلوق ( كوب رز مغسول جيداً و كوب و نص ماية و نحكم الغطاء و نوطيء النار خالص ) وبعد ما يستوي نقلبه في سلطانية بربع كوب خل تفاح عليها معلقة كبيرة سكر و نص معلقة صغيرة ملح و نقلبه كويس و هو سخن و نغطيه
النوري:-
ورق السي ويد مخصوص للف السوشي
خضار:-
خيار مقطع رفيع جداً و شرائح افوكادو
الصوص:-
صويا صوص – سبايسي مايونيز
الجنجر ( الجنزبيل)المخلل
واسابي :- معجون اخضر حامي جدا من نبات الواسابي.
اهم الأدوات الحصيرة اللي في الصورة
الطريقة:-
نحفظ الحصيرة في كيس بلاستيك
ونحط ورقة نوري و نبل أيدينا ماية قبل ما نمسك الرز دائماً لانه هيلزق في أيدينا و ناخد كمية قد البرتقالة الصغيرة نفردها علي النوري ونحط الحشو ( شريحة خيار و افوكادو او صوابع كابوريا او تونة مهروسة بالاسبيسي مايونيز)
و. نلف جامد و الحصيرة هتساعد اننا نلف رول السوشي و يكون مدور
وبعدين نقطعه نصين و نحط النصين جنب بعض و نقطع عشان يكون معانا ٨ قطع دوائر .ممكن بعد ما نحط الرز نقلب الورقة الرز تحت و نحط الحشو و نلف و نرش سمسم علي الرز و بيكون من الخارج.
و ممكن بدل السمسم نحط شرائح سمك و افوكادو و نحط ورقة استريتش و نضغط بالراحة عشان السمك يلزق في الرز و بعدين نقطع
نجمل دوائر السوشي بالصوص و بيض السمك لو فيه .
و بالف هنا
قد يعجبك ايضا
تعليقات