القاهرية
العالم بين يديك
Index Banner – 300×600

قصيدة حلم عمري

122

بقلم/دكتور حمدى العدوى
حبيتها قبل ما أعرفها..
وشوفتها في حلمي
حبيت عيونها ونظرتها.
.حبيت سكوتها وضحكتها
حبيت غموضها وكلامها
حبيتها قبل ما أعرفها
دعيت ربي اني اشوفها
.وألقاها في حياتي وأعيشها
أعيش حلمي اللي حلمته.
. من قبل ما أعرفها وأشوفها
ولقيتها فجأه قدامي..
. معرفش ايه اللي جرا لي
كأني لسه مخفي حلم جميل
وكأني مش عارف حالي
سكت لساني وما اتكلم
ونظرة عيوني بتتألم
من شوقي ليها ما حسيتشي
أنا صاحي ولا في منامي
معقوله حلمي بقا حقيقه
وشايفها قدامي حقيقه
انا قولت أقرب واسألها
يمكن أعرف عنوانها
قربت وسلمت عليها.
وفضلت ماسك في ايديها
ونظرة عيوني لعنيها.
قالتلي أمتى هتتكلم
قولتلها مش عارف ابدأ
طال انتظارك يا عيوني
قالتلي ليه أنا قدامك..
منتظره أعرف أحوالك
أنا كنت بحلم بيك زيك.
وحلمت امتى أنا هقابلك
ولقيتها زي كمان عاشقة
منتظرة لحظة ما أشوفها
وحمدت ربي إني لقيتها
ده حلم عمري وحبيتها

قد يعجبك ايضا
تعليقات