كلمتين وبس ….كبش فدا

كتبت-هبه حسان 

لحد امتي هنشوف دائما سواق القطار يعزل لفشل وزيره

ومدير مدرسة يعزل بسبب فشل إدارات ووزارات

دوما الضعيف هو كبش الفدا.

يعني مشكلة الكثافة في المدارس مشكلة منتشرة

والروتين المدمر لأي قرار أو أى مصلحة يدفع تمنه الضعيف

مش إرضاء للرأي العام إن حضرتك تدلس علي حقيقة فشلكم ،

وتعزل مدير مدرسة ليس له حق في أخذ أي قرار وعليه مسؤوليات جمة ،مش كمان هيروح يجيب مقاعد علي حسابة من المرتب اللي بيفيض ،ومش عارف يصرفه علي ايه ولا ايه عشان يحافظ علي منصبه ويطلع معاشه باحترام

والمهم إن التعليمات اللي منشوره في خبر الإقالة بتدين كل من وجه لهم التعليمات من الأبنية والإدارة والمديرية

اكيد المدير غلب في طلب مقاعد للطلبة وكثافة فصوله لاتتحمل عدد كل هؤلاء في الفصول لذلك هو دفع التمن لانه لاحول له ولا قوة

لا لا برافو عليكم …ارحمونا واحترموا عقول البشر

وكل واحد يؤدى دوره ويراعي ضميره ويتحمل مسؤولية قراراته شوية

بلاش منهج كبش الفدا ده بقي