صحافة المواطن

اللي أدالك نور في عنيك حطلي نوري كله في قلبي

 

متابعة – حمادة فرج

شعر – مروة سعيد

لو سمحت متستعمنيش أرجوك

وأنت بتكلمني بص في عيني ومتسرحشي

لو عارف أنك هتجيني بطل تهمس بطل تغمز راح أشوفك لو هتغميني خليك واضح وارفع صوتك متخبيش

وأنت يا شايف تعرف تشرح معنى الضلمة يا عم مفتح

لو هتجيني انا راح أقولك عارف لما بتتوه أو بتسرح مهم تبحلق مخك فاصل مابيجريش انا على طول بكون سرحان فاصل تائه مش قلقان وده مش يأس دي طبيعتي عايش بيها وعندي أيمان

انا أقدر أشوفك ولو مش جنبي مش من عندي من ربي اللي أدالك نور في عنيك حطلي نوري كله في قلبي

انا الكفيفة اللي قرأت الكتب من غير مرافق

انا الكفيفة اللي أتزينت من غير مرايا تعكسلي صورتي

انا الكفيفة اللي شفت السما وحسيت أد أيه هي جميلة من غير ما أرفع راسي ليها

انا الكفيفة اللي مشيت في الشارع من غير مرافق

انا الكفيفة اللي أنتم شيفينها ناقصة عيون

انا فعلا معنديش عيون بس عندي بصيرة

اظهر المزيد

مقالات ذات صلة

اترك رد

شاهد أيضاً
إغلاق
زر الذهاب إلى الأعلى
%d مدونون معجبون بهذه: