القاهرية
العالم بين يديك
Index Banner – 300×600

الحب الذي لن يعوض مهما أحببنا (سلسله قصص من واقع الحياه)

113
بقلم / إيمان الديب
كان أبي رجل بسيط جداً ولكنه كان يمتلك عقليه ذكيه يحب العلم ويقدر أهل العلم يمكن لانه حرم من التعليم رغم تفوقة ما شعرت بسنوات طفولتي ولكن كانت يدي دائماً في يد ابي إلي أن وصلت الدبلوم الفني التجاري وذاكرت جيداً وتفاجأت العيله اني اكمل ف الجامعه وفين جامعه قناة السويس قمة الرقي والانفتاح كنت حسه كأني في حلم مش مصدقه انا هسيب البيت والأرياف وصوت الكروان الصبح بدري كان أبي سعيد جدا لسعادتي ولكن سرعان ما تنتهي اللحظات السعيدة فجأه تقدم لي عريس وفجأة تغيرت الآراء للمعارضة الجد والعم ومال ابي وذهب لسحب اوراقي من الجامعة وتحضير البنت للزواج هي البنت أخيرها ايه غير بيت جوزها ميصحش نسفر بناتنا يتعلموا ويسكنو ا ف بلد تانيه هو احنا خواجات اقعدي في البيت؟!
ويبدو اني كنت متعبة بقدر كبير صممت ارفض الزواج واسافر تاني واقدم للجامعة بعد ضياع سنه كامله اتسحبت فيها ملفاتي دي كانت اكتر اوقات صعبه في حياتي وكانت مرحله انتقاليه في عمري كله ابي ما تركني اعاني وحدي وقف جانبي وقالي سافري وكملي واتعلمي وقال مقولته الشهيرة”سأظل أعلمك حتي تقوليلي اكتفيت من العلم” جاء معي بورسعيد وقدملي اوراقي تاني ولكن واجهتنا مشكله أكبر هي أني علشان ارجع هتتحسب السنه ال قاعدتها بالبيت وهيعتبروني بعيد السنه ومليش إعادة لو رسبت في اكتر من مادتين سأفصل من الدراسه غدا يومها حين تكلم موظف الشؤون بكليه تكنولوجيا الإدارة ونظم المعلومات لابي الرجل البسيط الفلاح قاله ياحاج الدراسه هنا صعبة كتير وبنتك مش هتعرف تعدي من اول مرة الثانوية بتاعتها فنية رديت عليه وقولت إن شاء الله هنجح وبتقدير كمان وفعلاً ربنا أعني اشتغلت وساعدت ابي في مصاريفي والحمد لله ظهرت النتيجه تتوج تعبه وتعبي جيد جداً ومنحة تفوق كمان.
تحية لروح ابي الغالي الحب ال ميتنسيش ومافيش زيه تاني.
قد يعجبك ايضا
تعليقات