أنا مش لوحدي
بقلم – محمود ياسر
أنا مش لوحدي
ولو لوحدي بكون مرتاح
المزيكا الهادية أو سماع فيروز
ووحدتي مع فنجان القهوة
وتفكيري في اللي راح
يبدأ صوت حليم بسواح
رنة صحابي علي تليفوني المقفول
خناقات ومشاكل ويقولوا افتكرناك مقتول
اضحك وأغير الموضوع بحجة
كنت نايم
وإن ده مش المقصد
وإن في الحقيقة مساحتي مع الخيال خدت أكتر من حدها يجوز خوفي من رنة التليفون وإني اسمع خبر محزن
فلان مات فلان راح ومش راجع
والوقت فات
اغير الموضوع واهرب من سكات
في ضحكة بكام إيموشن في شات
وأقول هتغير
والحقيقة إن التغيير مش ملزوم مني
ولا حتي أعرف ملزوم من مين
لكن كل اللي عارفوا إن أحياناً
العيب مبيكونش في البني ادمين.
الرقم مغلق ولكن في انتظار الدور الجاي علي مين!!