المزيدمقالات

تعاون سيد أفندى والست أمينة.. رحمة ومحبة

 

بقلم/السيد عيد -ريشة/غادة مصطفى 

اليوم الثامن والعشرون
سيد أفندى عاد من عمله وصرخ في زوجته أمينة انت فين ياهانم؟
حمد الله على السلامة ياسيد الرجالة.
جهزتى الفطار.. أكيد لسه ما أنا عارفك غاوية تجوعينى آه حرام عليكي خافي ربنا بقى.

جهزته من بدرى
ربنا يهديك المغرب فاضل عليه وقت كبير لسه وكدة الأكل هيبرد، يارب سامحها معقولة فيه حد في الدنيا كدة.

الأكل اللى خلص بتاع الست أم لطفى عشان أنبوبة البوتجاز بتاعتها فضيت

ماهو أكل جارتك أم لطفى أهم مني طبعا ماهو انا لو مهم عندك كنت عملتى الأكل بتاعنا قبل ام لطفى لكن أنت عايزة تجننينى وتحرقي دمي عشان يقوله الراجل اتجنن، أنا وحش أنا زفت أنا مش قادر على الصيام ليه كده صيامي بيضيع.

ألا بالحق يا أخويا هتفسحنا فين فى العيد وبعدين ماتنساش العيدية

يا أمينة أنا فى دوامة دايرة على طول ودوخيني يا لمونة
بس حاضر يا أمينة بدل لوى البوز أعوذ بالله حرام عليك بدل ما تصبريني وتقولي معلش استحمل تقولى هتفسحنا فين.

يا أبو السيد “العيد فرحة وأجمل فرحة يجمع شمل قريب وبعيد.. سعدنا بيها بيخليها ذكرى جميلة لبعد العيد” تستمر أمينة فى الغناء ويستمر معها أنين سيد أفندى.

انتي عملالنا إيه ع الفطار النهاردة يا أمينة؟

مكرونة بشاميل وجلاش وبانيه وسلطة

وإيه أخبار الحلويات؟
حلويات!! كمان
أيوة كنافة وقطايف وجلاش

یا سيد حرام عليك أنا زهقت من وقفه المطبخ
.. تعالي ساعدني شوية
أنا صايم وتعبان ولسة راجع من الشغل..طيب هاتی اعملك السلطة
إيه السلطة بس ؟؟ !
أيوة أنا راجل ومش هعمل شغل البيت كمان

يا سيد تعاون الزوج مع زوجته في شؤون المنزل والأسرة ليس عيباً ولا نقصاً في رجولته ،شغل البيت كتير من تنظيف البيت وترتيبه، وغسيل الأطباق، وطهي و تحضير موائد الإفطار و السحور، والعزائم والسهرات وأنا تعبت

خلاص يا أمينة بعد عمايل السلطة أنا هجهز السفرة، المغرب باقي عليه 5 دقائق.

تسلم ايدك يا سيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى