باستا فلورا بمربى التوت

كتبت -هبه حسين
المقادير
– ٢كوب دقيق
– كوب سكر بودره
– كول الا ربع زبده
– 3 بيضات
– معلقه صغيره فانيليا
– معلقه ونص صغيره بيكينج بودر
– رشة ملح
– معلقه صغيره لبن رايب او زبادي
– مربى توت او أي طعم مربى
طريقة التحضير
– ننخل الدقيق كويس ونخلطه مع البيكنج بودر والملح
– نضرب السكر مع الزبده بالمضرب الكهربائي أو المضرب السلك وبعدين نضيف لهم البيض والفانيليا واللبن الرايب ونستمر في الخفق
– نضيف خليط الدقيق ونعجن بأيدينا لحد مانخلط المكونات كويس مع بعضها والعجينه تبقى لينه ومتلزقش فى ايدينا.
– نضع العجينه في كيس بلاستيك ونتركهاو ترتاح شويه في الثلاجه حوالى نص ساعه.
– نخرج العجينه من الثلاجه ونفردها بالراحه على رخامة مرشوشه بشوية دقيق.
– نفرد 3 أرباع مقدار العجينة في صينية او قالب مدهون بالزبده ونمد العجينه في الصينية كويس ونشيل من الزيادات اللي في جوانب الصينية.
– نقسم كمية العجينه اللي باقية لكور صغيرة ونشكلها لشرايط طويله ونسيبها على جنب.
– نخرم العجينه بالشوكة ونغطيها بورقة زبده.
– ندخل الصينية فرن حرارته متوسطة ونسيبها ١٠ دقايق لحد ما لون جوانب العجينة يتغير.
– نخرج الصينية من الفرن ونشيل ورقة الزبده ونفردها بمربى التوت او اي نوع تحبوه ونزينها بشرايط العجينة بالطول والعرض.
– ندخل الصينية الفرن مره كمان ونسيبها عشر دقائق لحد ما وش الشرايط يحمر وبالهنا والشفا.