القاهرية
العالم بين يديك
Index Banner – 300×600

بالنسبالي

117

عادل التعلب

بالنسبالي
شايفك لسه بعيني الطفلة
شغلت بالي
قلبت كل حياتي ف غفلة
أيوة بحسك أمي وبنتي
طبعا أنتي
دا مايمنعش شعوري بأنك
برضوا حبيبتي
عمر أداء الفرض ما برر
إن الناس هاتسيب النافله
بالنسبالي
شايفك لسه بعيني الطفلة

أقرب ليا من شراييني
نظرة عينك بتعشيني
كلمة أحبك لو تقوليها
دي أوسمتي .. لأ نياشيني
غيرك حاولو يسكنوا قلبي
ياما عيون حاولت ترشيني
لكن كنت انا حاسس انك
جاية ولو في نهاية القافلة
بالنسبالي
شايفك لسه بعيني الطفلة

قبلك كنت ..كنت ف وادي
مليان فعلا لكن فاضي
كل حياتي ساعتها مجرد
واحد عايش في الدنيا دي
عايش ميت ميت عايش
زي الخلق بحالها .. عادي
بس الفرق ما بيني وبينهم
عشت احلمبك صاحي وغفله
بالنسبالي
لسه بعيني بشوفك طفله

شايفك طفلة بكل صفاتها
حلوة بريئة جريئة مافاتها
إلا سنين العمر بتجري
وتخطف أحلا ثواني حياتها
نفسي بجد معايا تعوض
كل ما عدى عليها وفاتها
يوم ما عنيكي تقوللي بحبك
هاعمل عمري شموع للحفلة
بالنسبالي
لسه بعيني بشوفك طفلة

قد يعجبك ايضا
تعليقات