الليل دا سيف مسنون
مصطفى خليفة
الليل دا سيف مسنون
بيشق جسد الروح
الليل جروح بتنوح
ف.العاشق الخالي
الليل عاشق محتار
بيغني جواه ناي
الليل حياه ضلمه
أربع حيطان فاضيه
الليل سواد كاحل
القلب جواه راحل
الليل جروح عاجز
بيبكي على الماضي
الليل ده ليه ناسه
في ناس ف.ليل تعشق
وكتير كتير جدآ
بيبكي على ليلاه
ليلك طويل يا حزين
والقهوه بُن تقيل
دخانك بقع على وشك
بقى تحت عنيك
أسود ف.أسود
الليله مين وياك
ده الصاحب الوافي
سهران يعاتب فيك
جايلك عشان يواسيك
ويداوي في الذكرى
ذكرى ماضيك والحلم
حلم اللي عشش فيك
وساب معاك يأسك
خدوا كل حلو ما فيك
وسابوك مع دمعك
يا صاحبي لم الدور
إنسى ماضيك وأطويه
قوم نَور الايام
وبص يوم قدام
ضيعت من عمرك
أحلام كتير ع.الباب
واقفه تنادي عليك
قوم بص م.الشباك
هتلاقي ناس حاوليك
حاضنه القمر والليل
إن غاب في يوم نجمهم
يستنوا شمس العيد
شكرآ يا أوفى صديق
على وقفتك جنبي
قوم ريح أنت عشان
أنا لِيليِ هيطول
وشويه وأدخل أنام