ضحكة حلوه
بقلم / سمر فاروق
فيه شويه حاجات
لسه باقية من اللي عايش واللي مات
ذكري باقية مع شويه همهمات
ضحكة حلوه
وصيه وإيد تطبطب علي اللي فات
لسه نور
جوه باقي من الفُتات
إلتقينا مره جوه القلب ذكريات
شاور عليها وقال غير كل البنات
قلب أبيض صافي زي سكر النبات
وعيون حور في الخيام المقصورات
وعليكي ضحكه منورة كالنفحات
وحنانك ليا من ربي رحمات
وعذوبة صوتك بالنسبه ليا نغمات
حتي ظلك بيعدي علي وكأنه ملاك بجناحات
ولما بس أشوفك راضيه عني تهل علي البركات
شوفت فيكي نور وأمل عوضني عن كل اللي فات
أجمل مافيكي روحك العطرة مثل النسمات
