عايشة جوايا
كلمات/ أيمن البكري
ومين قالك إني محاولتش
الف مره أنساكي
حاولت كتير مقدرتش
أعيش إلا بهواكي
دوري عليا هتلاقيني
عايش جواكي
ولازم تكوني حاسه
إني لو عشت ألف قصه
أكيد بردوا لسه
إنتي عايشه جوايا
عشت بعدك ذل
شربت ودوقت المر
سبتيييييييني
ف أسوء نهايه
وليه شايفه إننا نكون مع بعض
شئ صعب ومستحيل
وليه طالبه
علي حبي ليكي مليون دليل
وليه حاسه إني إتغيرت
قولتيلي إنت إل إخترت
أنا ذي ما أنا زمان
هو أنا دلوقت
لاغيرتني الاءيام
ولا نساني حبك وقت
بقولها ب أعلي صوت فيا
بقلبي وروحي وعنيا
أنا خلاص مش قادر
ل أيامك و أحلامك
لنظره من عنيكي
وأنا واقف قدامك
لكل حاجه فيكي
أنا بجد إشتقت
عايشه جوايا
تحت أي ظروف
ف عز الفرح
وف وقت الخوف
مهما قابلت
ومهما عنيا تشوف
مش شايف حد غيرك
قلبي عليكي ملهوف
نفسي أسيب كل الدنيا وأجيلك
قلبي إل كتير عاشلك
لسه بردوا محتاجلك
أبعد مهما أبعد
بلاقيني ف لحظه برجعلك
بتوحشني العيون السود
وأحلي رموش وخدود
بيوحشني القلب الطيب
والحنان إل مالهش حدود
داه أنا لما ببعد عنك
بحس إني مش موجود
لا أنا خاين
ولا هو كمان ذنبك
ولا هالومك
ولا هاأعتب علي قلبك
هو داه نصيبنا
الدنيا تغلبنا
صعبه قوي ومتساويش
طلبتي مني كتير أبعد
أسف أنا موعدكيش
