و ايه يعنى
بقلم :- إيهاب القاضى
و ايه يعني تغيب عني
ده صورتك عايشه جوايا
و مهما تغيب هتفضل ليك في قلبي كل يوم ذكرى
هعيش ازاي انا بكره
بدون صوتك ، صورتك ، همسك ضحكك و تفاصيلك
ده لما عطشت يوم م الحب جريت و شربت من نيلك
هغنيلك
و هحكيلك على حكايتى ..
هقوللك كيف بيحبى اليوم بدون ضحكه
واقوللك فرحة المشاوير و صوتك فيها ملازمني
و ضحكه بتيجى فجأه علشان ، صدفه قابلتك
واقولك حزن فى الأيام بييجى وانتي مش فيها
و برد بيجرى في عروقى و صوتك بس يدفيها
و اسرارى اللي معاكي و عن الكل مخبيها
يا اطيب سر في الدنيا لقيته ف يوم
و اول واحده بضحكه منك تمحي هموم
يا فرحه بتيجي كل يوم بضحكه لما بتيجي في بالى
يا شاغله كل افكاري انا حبيت
كدبت عليكي لما حكيت (و ايه يعني تغيب عني)
تغيب الدنيا بغيابك و تمشي الفرحه و الالوان
بكون جامد كما التمثال و شبه قصيده بلا عنوان
بدونك ببقي شاب حزين و شبه سجين
بأيدك تبقي سجانه أو القاضى
و حكم براءه من قلبك يصيب القلب بالفرحه
و ترجع تاني شمسي تحن و يطلع قمرى فى سمايا
ف ساعديني ❤
