الادب

المتحدث التحفيزى حسام ابوالحسن 21 نصيحة للنجاح فى الحياة

كتب: محمد عطفي عبدالعظيم
1/ طبيعي انك تزعل تعيط تتوجع تكتئب .. بس اللي مش طبيعي انك تعيش طول وقتك كدا وتفضل مستسلم للمشاعر دي .. اطلع للحياة
2/ سقف التوقعات بيحطك في نفق مقفول لانك لو محصلش اللي متوقعه بتتعب جامد فكل ماتقلل سقف التوقعات كل ماكانت الصدمه اخف !
3/ محدش بيتولد عارف كل حاجه ، هتفضل تتعلم لآخر يوم في عمرك ، متتكبرش ع التعلم او علي اللي بيعلمك حاجه !
4/ الثابت الوحيد في الحياة هو التغيير فاتعود تتأقلم معاه عشان لو معملتش كدا هتختفي !
5/ مسموش فشل .. اسمه درس لانك من غيره عمرك ماهتتعلم !
6/ العيار اللي بيصيب لازم يقويك مينفعش يوقعك وطبق عليه النصيحة 5 !
7/ الخوف حاجه طبيعية بس المش طبيعي انك تخاف تعمل كل حاجة فمتعملش حاجة !
8/ في آخر عمرك هتندم ع الحجات اللي انت معملتهاش مش اللي انت عملتها وفشلت .. جرب ومتخافش
9/ الشخص الذي لا يقرأ يعيش حياة واحدة بينما القارئ يعيش آلاف الحيوات .. اقرأ في البيت وفي الشغل وفي المواصلات كل ما كنت عنيف في القراءة الحياة هتكون لذيذة معاك !
10/ خلي موبايلك وضع طيران لما تكون شغال علي حاجه محتاجه تركيز كبير لان الساعة اللي هتشتغلها بدون انقطاعات او تشتيت بتساوي 3 ساعات من العمل المتقطع من حيث الجودة والابداع (ركز)
11/ اللي سابقك مش هيركز معاك لانه سابقك .. اللي هتلاقيه مركز معاك وبينتقدك هو اللي بيحاول يوصلك ومش عارف .. خد بالك !
12/ مش محتاج تبالغ في التعبير وتقول اتغيرت 360 درجه لانك كدا انت متغيرتش .. دايما المبالغة في اي شئ ملهاش معني !
قيس علي كدا الخوف اللي اتكلمنا عنه فوق وغيره !
13/ طالما صحيت من النوم النهارده يبقي لسه ربنا عاوزك تعمل شئ مفيد لنفسك وغيرك وآخرتك .. استغل يومك واطحنه صح .. لو مفيش امل منك ومالكش لزمه .. مكنش رد لك روحك تاني !
والنبي صلي الله عليه وسلم بيقول اذا قامت الساعة وفي يد احدكم فسيلة فإن استطاع ان يغرسها فليفعل
14/ مش معني ان شخص مشي في طريق ونجح فيه انك تمشي نفس الطريق عشان تنجح زيه .. دور علي طريقك انت .. طريقك زي بصمة صباعك لم ولن يتكرر !
15/ النجاح مش شرط يكون مرتبط بالشهرة محدش فينا يعرف السيدة بائعة اللبن ولكنها هي اللي جابتلنا عمر بن عبد العزيز
فمش لازم عشان تكون ناجح انك يكون عندك عدد متابعين كتير او حتي تكون معروف !
16/ للطلبة .. اقضي وقت كتير جدا في تطوير نفسك بالتدريب والاحتكاك والانشطة الجديدة .. هو ده اللي هيصنع مستقبلك .. لكن شهادتك مش اكتر من ورقة رسمية هتستخدمها في الاجراءات فقط !
17/ يوم من غير تعلم اي جديد هو يوم باهت مش محسوب من عمرك !
18/ كلنا مراحل في حياة بعض خليك مرحلة لطيفة ودمها خفيف !
19/ متستخسرش في نفسك وفي تعليمها متبقاش زي اللي استخسر يجيب سباك لسباكة بيته وقعد طول عمره يسلك بلاعات واحواض !
فالفكرة مش في التمن اللي هتدفعه في انك تتعلم الفكرة في التمن اللي هتدفعه لو متعلمتش!
20/متستناش مزاجك يتحسن عشان تبدأ حاجه انت محتاجها او مطلوبة منك .. ابدأ ومزاجك هيتحسن مع الوقت لما تحس انك بتعمل حاجه.مفيدة !
21/ واخيرا النسيان كل ماتجري وراه هيجري منك ، الايام كفيلة انها تنسيك اللي عايز تنساه .. سيبها تشوف شغلها وركز ع اللي جاي !

اظهر المزيد

مقالات ذات صلة

اترك رد

شاهد أيضاً
إغلاق
زر الذهاب إلى الأعلى
%d مدونون معجبون بهذه: