بقلميّےـ.. هبــــۃ اللّـہ يوسف محمود
قالو زمان إن الوجع بيعلم القوه……
قال يعنى دمعك ده اللى هيولد القوه…..
ربطوا الشجاعه بالكسره والخذلان……
من إمتى خلقت دمعتك قوه …..
ده الجرح كيف البحر ودمعتك بركان……
تنزل عالجراح. تكويها بلا رحمه ……
وتحوله لصخر أقسى وأقوى مالأيام…..
والروح بتصرخ مالألم… يمكن !!!….
ويمكن إيه !!.. في بحر كله حيتان……
فاكرين إن الوجع هايقومك تانى …..
لكن الألم بيحولك غلبان…….
من إمتى خلقت دمعتك قوه…….
روحك سجينة الغدر ودمعتك سجان …….
عمر الوجع ما بيخلق القوه…….
القوه جوه الروح مش محتاجه إستئذان………
كبير الوجع هيعلمك تقسى……..
والقسوه هى علامة الحرمان……..
هحكيلكوا قصة واحده مالكسره…….
قالو عليها إتبدلت. وإتغيرت وده كان….
القسوه جبرتها تحارب روحها……
شافت كتير ،،داقت كتير خذلان…….
يوم ما الجراح والكسره طالتها……..
داوت جروحها بإيدها وده حرمان……….
حرمان. يقسي قلب عاش عمره……..
بيدى كتير. للكل بلا حسبان………
يوم مالقلوب تقسى ده مش نهاية الكون…….
بكره جراحها تلم كيف مايكون………
لآزٍمٍ الجراح فى الجسم هاتعلم………
بس الألم ها يروح مع الايام……….
********
{ الضربه اللى مش بتموت بتقوي }
جمله سمعناها كلنا من زمان .
بس مفهومها غلط من وجهة نظري.
القوه دى جوه الإنسان ملهاش علاقه بالغدر والخذلان والنفوس المريضه .
مش لازم تضرب وتقع علشان تقوم لو إنت من جواك مش قادر وتمتلك القوه علشان تقوم عمرك ما هتقف على رجلك.
الوجع والكسره والخذلان مش نهاية الكون صحيح بتغير فى طباع الإنسان بس عمرها ما هتوجد شئ لو مش موجود من البدايه الغدر والخذلان والنكران أى مرار وألم بيمر علينا بيقسينا مش بيقوينا فترة نقاهة بعد كل جرح مهما كان عمق الجرح .
الوقت كفيل لإلتئام الجراح . صحيح الجرح هيلم بس لازم يسيب علامه .
علامه .. وعلام ..
درس لازم تفتكره ، مش للبكاء والنواح ، بس يعلمك للى جاى
{ لازم الجراح فى الجسم هاتعلم …
بس الألم هايروح مع الأيام }
![🔥](https://static.xx.fbcdn.net/images/emoji.php/v9/t50/1/16/1f525.png)
![🔥](https://static.xx.fbcdn.net/images/emoji.php/v9/t50/1/16/1f525.png)
![](https://i0.wp.com/alqahria.com/wp-content/uploads/2024/09/IMG_3507.jpg?resize=100%2C100&ssl=1)
رئيس مجلس إدارة جريدة القاهرية