صفحة جديدة
بقلميّے_هبة الله يوسف محمود سند
باقي من السنه دي
يادوب حبة ساعات
ونطوي فيها
أحلى وأسوأ الذكريات
ونفتح في كتاب حياتنا
صفحه جديدة أحلي
من عمر عدى وفات
قابلنا ناس كتير
كانو نور لليل حياتنا
وناس قلبت حياتنا
لليل حزن و آهات
هاقفل من عمري باب
لندمي على اللي فات
ندمي على الحبايب
وندمي على الصحاب
هاستنى فرح قلبي
على روحي يدق باب
و يقولي عيشي حبك
ولا خوف ولا عتاب
لا خوف من صبح بكره
ولا مالناس أحسب حساب
ربي الكريم رضاكي
لدعاكي إنه إستجاب
بعوض من غير حساب
على روحك النظيفه
وقلبك الكريم
هداكي ربي طلبك
على صبرك والعذاب
هداكي ربي حلمك
حب وأهل وصحاب