يوم ما تسيب الدنيا
بقلم الشاعر والكاتب _ محمود ياسر
يوم ماتسيب الدنيا
بالرغم انها فانية
هتلاقي الكل حبك فجاة
دي مش مفجأة
دي بداية النفاق
او يمكن تقول افتكروك بالحلو
هتلاقي اللي سابك جاي
يقول صاحبي واخويا
ويزعل وياخد العزا مع ابويا
ويقولو كان جدع والله وشهم
كان بيشيل عنا الهم
كان خفيف الدم
وقعدتو ميتشبعش منها
هتلاقي كل اللي نسيوك فاكرينك
وحبينك
وفاكرين قد اي كنت جميل وطيب
قريب جدا اذا أحتاجوك
بعيد لو مفيش مصلحة ويارتهم كانو شافوك
متستغربش من الواقع
أحيانآ بيكون غير
أحيانآ بيكون خير
انك كسبان في الاخر الدعوة
هتلاقي حبيبتك بتعيط وماسكة صورتك
شكلها نسيت انها كانت سيباك
واخر كلمة كانت قيلاها
موتك اهون من وجودك
ميهمنيش وعودك واهو كله كلام
وهتنساني !
ياطرا شوفتي حد تاني
جاية ليه دلوقتي وفكراني
يمكن كنتي حلم من الاحلام
لكن في ثانية نفذتي فيا حكم الاعدام
اوعي تمشي في جنازتي وتترحمي عليا
اوقات الرحمة بتجوز حتي علي العايشين
خليكو ساكتين
بينو حبكو من الاول
مش تستنو لما نروح وتقولو فين ايامه
دي والله الكلمة بتفرق لو بانت
وأحيانآ بتهون لو كل الناس مشيت وفاتت !