صحافة المواطن

تعبت خلاص

عاطف محمد.

تعبت ياناس خلاص منكم
سيبونى جوه احزانى
عايشها صبر من تانى
على خط الحياه موجود
ببص بعين لايامى
واجهز اسفى وملامى
واقدم ليكى يانفسى
جواب اسفى
جواب ندمى
ب اقوله ليا ف كلامى
على سوء اختيارى زمان
لبعض الناس فى أيامى
لأن كتير شبع منى
وأنكر فضلى ورمانى
وقال للناس
عليا حاجات
ماهيش وارده
ولا حتى ف أحلامى
أكيد دول ناس
بلا زمه
لا ليها ريحه
ولا شمه
وخدها منى لو حكمة
هاتنفع ليك
ف يوم تانى
قلوب البعض قلابه
شبه مسمار
مالوش عدله
ولو دقيت على راسه
لايمكن ينعدل تانى
فلا تعاتب
ولا تحاسب
ولا تجرى وراه تانى
عشان ماتقول
أنا جنبك
ياعم خلاص متفرقشى
كلامك حتى لو بانى
ولو ساند ولو عادل
عقولهم فكرها دامى
ماهو لو جد بيحبك
لايمكن ينسى ويدانى
وكل ما.. اشوف أمور الناس
يزيد تقديرى للوحدة
واشعارى واحزانى
وزى مافى ورود من نور
جمالهم حاجه ربانى
كمان فيه طيبين م الناس
ماليهم حظ وردانى
ولو كاره يشوفنى سعيد
يارب ادى له بزيادة
سعادة بيها ينسانى
وينسى
أنه شافنى ف يوم
ويبعد عنى ف ثوانى
ده أنا مااتمنتش شر لحد
يارب الخلق اكفينى
شرور الناس وعدينى
إلى برك بخير وسلام

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى