تنمية و موارد بشرية

احنا محتاجين

بقلم – أمنية عبد الرازق

اول ما بنتولد بنكون محتاجين ، إحتياجاتنا كثيرة جدا ، إحتياجات أساسية ضرورية ان يتم اشباعها ….
بس هى اى احتياجتنا ؟؟؟
وضع العالم ماسلو نموذج للاحتياجات الانسانيه وهى كالتالى :-
١-احتياجتنا الفسيولوجية (من الاكل والشرب والنوم والتنفس والهواء….) ودى من اهم العوامل اللى بس تخلى الإنسان عايش وقادر يتحرك ويفكر
٢-احتياجتنا للأمن(عندنا بيت ، عندنا ام واب بيحضنونا اما بنكون خايفين ، بيطبطبوا علينا ،بيتكلموا معانا وبيسمعونا…)
٣-احتياجتنا للإنتماء(منتميين لأسرة ، لعائله ، لوطن …)
٤-احتياجتنا لتقدير الذات ((ودى نحط تحتها خطوط حمراء كثيرة جدا لان معظم المشاكل النفسية بتأتى فى المرحله دى … عارفين ليه؟؟؟
لان فيها معظم احتياجتنا النفسية…..
-بنكون محتاجين نحب ونتحب

-محتاجين نتشاف من كل اللى حواليا اننا فعلاً موجودين بنلاقى الطفل بيصرخ ويبكى ويعمل حاجات ممكن تضايقنا علشان عاوز يشعر انه متشاف مننا

-محتاجين نشعر بالتقدير لأفعالنا من واحنا صغيرين..ان حد يفهمنا الصح والخطأ ، ان حد يضحك لينا ان حد يسقف لينا اما نعمل شئ جميل ، ان حد يحضن ويططب ، ان حد يجيبلنا هديه، اننا نسمع مبرووووك اننا نسمع كلام حلو

-محتاجين يكون عندنا توأم اللى هو صديق … نلعب معاه ونخرج معاه واحنا صغيرين واما نكبر ويكون عندنا مشاكل نحكيله ونفضفضله ونرمى همومنا على بعض

-احتياجنا ان حد بيشجعنا وحد يسمعنا وان حد مهتم بينا ودا اللى بيشبعه لينا الام والاب من واحنا صغيرين

-احتياجنا ان اللى حوالينا يقبلونا بالوحش قبل الحلو اللى فينا ان محدش يتعصب علينا علشان سلوك خطأ عملته وانا طفل منا مش فاهم حاجه انا لسه طفففففل ….فمن فضلك قولى الصح والخطأ علشان احس انى مقبول واحس بالامان والثقه

-احتياجنا ان لبسي يكون شيك وكويس وان يكون عندى عربية ولا موبايل ولا.. ولا.. ولا.. ولا….
..احتياجتنا فى النقطه كثيرة جدا

٥-احتياجتنا لتحقيق الذات(بأن يكون عندى هدف بسعى انى احققه-ان ربنا خلقنا جميعا لعمارة الارض- وان لازم اسيب بصمة فالحياة الناس يفتكرونى بيها بعد عمر طويل …)

(الأساس من مرحلة الطفوله لو الأساس كان صح هنبنى جيل صح غير مشوه نفسياً )
#أمنية_عبد_الرازق

اظهر المزيد

مقالات ذات صلة

اترك رد

زر الذهاب إلى الأعلى
%d مدونون معجبون بهذه: